Një 28-vjeçar është arrestuar nga policia pasi dyshohet se gjatë natës ka vjedhur në banesën e një 51-vjeçari në Bulqizë, një shumë parash dhe 2 aparate celularë.
“Vodhi para dhe 2 aparate celularë, në një banesë, gjatë natës, reagimi i menjëhershëm i Policisë bëri të mundur identifikimin, kapjen dhe vënien në pranga të 28-vjeçarit.
Në vijim të punës për zbardhjen e rasteve të vjedhjes së pronës dhe pasurisë, identifikimin e autorëve, kapjen dhe vënien e tyre përpara përgjegjësisë ligjore, shërbimet e Komisariatit të Policisë Bulqizë arrestuan në flagrancë shtetasin 28 vjeç, banues në Bulqizë”, thuhet në njoftimin e policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprën penale “Vjedhja”.
