Edicioni i 61-të i Festivalit të Këngës në Radio Televizionin Shqiptar ka përzgjedhur 26 këngët pjesëmarrëse, 16 prej të cilëve janë artistë të cilët kanë performuar edhe më parë në Festival dhe 10 të tjerë janë artistë të rinj dhe grupe alternative.
Bie në sy rikthimi në skenën e festivalit, i Elsa Lilës. Këngëtarja e mirënjohur shqiptare i është rikthyer skenës pas një periudhë të gjatë. Elsa Lila dy herë pjesëmarrëse në Festivalin e RTSH, është shpallur po aq herë fituese. Ajo karrierën e zhvilloi më tej në Itali, ku edhe performoi në Sanremo.
Pas një incidenti që pati kohët e fundit me drejtësinë italiane, ku gjithsesi doli e pafajshme, Elsa rikthehet pas 25 vitesh në skenën e publikut shqiptar. Ajo rikthehet me këngën “Evita”, dhe duket se i ka dhënë fund “shmangies” pas largimit prej çerek-shekulli nga Shqipëria. Si favorite e festivalit, Elsa Lila do të ishte edhe një përfaqësuese dinjitoze e vendit tonë në Eurovizion. Qëllimi i Elsa Lilës pas këtij rikthimi nuk ka qenë thjesht dhe vetëm fitorja në festival. Ikona e muzikës së lehtë shqiptare synon të korrë suksesin më të madh shqiptar të arritur ndonjëherë në Eurovizion.
Festivali i 61-të të Këngës në RTSH, do të japë 3 çmime të para: vendi i parë, vendi i dytë dhe vendi i tretë; 1 çmim për artistët e rinj dhe grupet alternative dhe 1 çmim për karrierë. Por ndryshe nga vitet e kaluar, Festivali i 61-të i Këngës në RTSH vjen me një risi lidhur me këngën që do të përfaqësojë Shqipërinë në Eurovizion, fituesi i së cilës do të zgjidhet me votat e publikut me anë të SMS-ve.
Çmimi për 3 vendet e para, çmimi për artistët e rinj dhe grupet alternative si dhe çmimi për karrierën do të jepen pas një vlerësimi nga juria.
Në festivalet e mëparshme të Këngës në RTSH fituesi i çmimit të parë ka përfaqësuar Shqipërinë në Eurovizion, por këtë vit, vendin tonë në “Eurovision Song Contest 2023” që do të zhvillohet në Britaninë e Madhe, do e përfaqësojë ajo këngë e cila do të rezultojë më e votuara nga publiku.
Lista e plotë me artisët dhe këngët pjesëmarrëse në Festivalin e Këngës në RTSH:
2Farm Atomike
Alban Kondi & Lorela Karoshi Melodi
Albina Kelmendi Duje
Anduel Kovaçi Malli
Arsi Bako Sonte dua të jem me ty
Melodajna Mancaku Gjysma e zemrës sime
Elsa Lila Evita
Enxhi Nasufi Burrë
Erma Mici Kozmosi i dashurisë
Evi Reçi Ma kthe
Fabian Basha Një gotë
Fifi Stop
Franc Koruni Në pritje
Genti Hoxha Ajër
Gjergj Kaçinari Dje
Luna Causholli Jetën ta fal
LYNX Nëse ke besim
Manjola Nallbani Dua
Permit of Stay Fobia
Petrit Çarkaxhiu Emri yt mirësi
Rezearta Smaja N’Eden
Rovena Dilo Motit
Sara Kapo Para teje
Serxhio Hajdini Vështirë
Urban Band Në çdo hap
Vanesa Sono Aroma jonë
