Sot në Tetovë u hap edicioni i 16-të i “Kolonisë Ndërkombëtare Artistike 2025”, organizuar nga Galeria e Arteve Tetovë. Në këtë ngjarje marrin pjesë 16 artistë nga Maqedonia e Veriut, Shqipëria, Kosova, Serbia, Turqia dhe Ukraina. Kolonia zhvillohet në Kodrën e Diellit deri më 8 korrik dhe synon të nxisë bashkëpunimin dhe shkëmbimin mes artistëve të rajonit. Çdo artist do të krijojë nga dy vepra që do t’i shtohen koleksionit të Galerisë, i cili aktualisht numëron 378 vepra. Mbrëmjen e sotme u hap edhe ekspozita personale “Stinë Shqiptare” e piktorit shqiptar Sadik Kasa. Eventi mbështetet nga Ministria e Kulturës së RMV dhe sponsorë të ndryshëm lokalë.
/S.B/Liberale.al/
