Ish-drejtuesja e Prokurorisë së Tiranës Elisabeta Imeraj në një intervistë u shpreh se Arben Ahmetaj dyshohet për tre vepra penale dhe nisur nga këto ai rrezikon dënim të lartë.
Imeraj tha se akuzat që rëndojmë mbi ish-zv.kryeministrin janë më të rëndat që një zyrtar mund të kryejë gjatë ushtrimit të detyrës.
“Ahmetaj dyshohet për 3 vepra penale, mosdeklarim i pasurisë, korrupsion dhe pastrim parash. E parë në kontekstin që hetimi përfundon me këto akuza, Ahmetaj rrezikon dënim të lartë.
Janë akuzat më të rënda që një zyrtar mund të kryejë gjatë ushtrimit të funksionit të tij. Janë elementë që për shkak të detyrës që ka pasur, në të paktën 6 raste është vërtetuar akuza e korrupsionit”, tha ish-drejtuesja e prokurorisë.
