Një tërmet me magnitudë 6.2 ballë ka goditur paraditen e sotme Stambollin, duke shkaktuar panik të madh tek qytetarët.
Sipas raportimit të medieve turke, epiqendra e tërmetit ishte në detin Marmara, pranë brigjeve të Silivrit, sipas të dhënave zyrtare të Presidencës së Menaxhimit të Fatkeqësive dhe Emergjencave (AFAD).
Lëkundjet janë ndjerë fuqishëm jo vetëm në Stamboll, por edhe në provincat përreth, duke detyruar qindra qytetarë të dalin me nxitim në rrugë, shumë prej tyre të përlotur dhe të frikësuar. Pamje nga vendngjarja tregojnë turma njerëzish që janë mbledhur në parqe dhe zona të hapura, në pritje të qetësimit të situatës dhe informacioneve të mëtejshme nga autoritetet.
Aktualisht nuk janë raportuar të lënduar apo dëme materiale. Megjithatë, ekipet e emergjencës janë në gatishmëri dhe po vazhdojnë të monitorojnë situatën nga afër.
Autoritetet u kanë bërë thirrje qytetarëve të ruajnë qetësinë dhe të ndjekin udhëzimet zyrtare në rast se ka pasgoditje.
???????? TURQUIE : Un tremblement de terre de magnitude 6.2 vient de secouer #Istanbul. (@QUSAY_NOOR_) pic.twitter.com/99KzetS66A
— Infos Françaises (@InfosFrancaises) April 23, 2025
