Prokurori i Sarandës, Sali Hasa është arrestuar sot pasi akuzohet për veprën penale të korrupsionit. Gjithashtu mësohet se në pranga ka rënë edhe Napolon Hodaj, oficer i Policisë Gjyqësore.
Po ashtu i arrestuar është edhe Bledar Hajredini, zyrtar i klubit ‘Përmeti’, edhe Qerim Ruçi, arbitër i ndeshjeve të futbollit.
Arbitri Ruçi dhe Bledar Hajredini akuzohen për veprën penale ‘Paracaktim i rezultateve në garat sportive’.
Mësohet se arrestimet janë kryer me urdhër të Prokurorisë së Posaçme Kundër Krimit të Organizuar dhe Korrupsionit.
