Një aksident ka ndodhur në Fier, ku si pasojë janë dëmtuar dy drejtuesit e mjeteve që janë përplasur.
Ngjarja ka ndodhur rreth orës 12:30 në aksin rrugor Fier-Seman, ndërsa të plagosur kanë mbetur shtetasit me inicialet I.T., dhe F.K.
“Sot, rreth orës 12:30, në aksin rrugor Fier-Seman, shtetasi I. T., duke drejtuar automjetin tip “Benz”, është përplasur me automjetin tip “Benz”, me drejtues shtetasin F. K. “Për pasojë janë dëmtuar 2 drejtuesit e mjeteve, të cilët ndodhen në spital, nën kujdesin e mjekëve, jashtë rrezikut për jetën", njofton policia.
Sipas saj, grupi hetimor po punon për zbardhjen e shkakut të aksidentit.
