Ylli i njohur kolumbian, Shakira, ka anuluar koncertin e saj të planifikuar në Washington në kuadër të ngjarjes WorldPride, duke shënuar kështu anulimin e tretë radhazi në turneun e saj. Ajo duhej të performonte më 31 maj në stadiumin Nationals Park, por organizatorët njoftuan se koncerti nuk do të zhvillohej për shkak të problemeve teknike.
Sipas njoftimit zyrtar, koncerti nuk mund të realizohej për shkak të vonesave në transportimin e pajisjeve skenike pas një problemi të ndodhur në koncertin e fundit në Boston.
"Edhe pse u bënë përpjekje maksimale, nuk është e mundur që e gjithë struktura e skenës të arrijë në kohë në Washington", thuhej në deklaratën e organizatorëve.
