A na duhet një mësues dhe një sistem arsimor? Ishte kjo pyetja me të cilat Dr. Solomon Arulraj David nisi leksionin e hapur me studentët e Departamentit të Psikologjisë, Edukimit dhe Sportit në Universitetin Europian të Tiranës.
I ftuar nga përgjegjësja e këtij departamenti, prof. asoc. dr. Erika Melonashi, pedagogu i asociuar në British University in Dubai (BUiD) foli për tendencat e reja në mësimdhënie dhe mësimnxënie. Në këtë vizitë të parë në vendin tonë, ai tha se ka mbetur i mahnitur nga natyra dhe kultura, duke u shprehur se “Shqipëria është një vend i vogël që ka shumë për të ofruar.”
I doktoruar në KU Leven, një universitet katolik në qytetin Leuven, më i madhi institucion i arsimit të lartë në Belgjikë, Dr. Solomon Arulraj David është gjithashtu profesor vizitor në Universitetin e Glasgoë, Mbretëria e Bashkuar dhe në Universitetin e Johannesburg, Afrika e Jugut. Me një eksperiencë të larmishme në disa organizata ndërkombëtare dhe në afro 50 shtete, fokusi kryesor kërkimor i tij mbetet arsimi i lartë ndërkombëtar, lidershipi arsimor, menaxhimi dhe politika.
Dr. Solomon Arulraj David nënvizoi se të jetuarit në epokën digjitale është një kohë mundësish, pasi secili mund të mësojë kudo që të jetë dhe në çdo kohë, gjë e cila vë në dyshim ekzistencën e universiteteve. “Mundësitë që ne kemi, fleksibiliteti që ne kemi është një varkë mundësish dhe sfidash”, theksoi ai. Megjithatë, ato lindin pikëpyetjet nëse nëpërmjet të mësuarit përtej institucioneve akademike, a mësojmë dhe a kemi njohuritë e duhura dhe të vërteta? “Universitetet dhe akademikët bëhen te vlefshme sepse dinë çfarë dhe si të zhvillojnë mësimdhënien. Ata janë një hyrje për në botën reale duke na mësuar dhe përgatitur për të argumentuar, luftuar dhe zhvilluar aftësi që na duhen në jetë.”
Duke iu përgjigjur kështu kësaj pyetje për nevojën dhe domosdoshmërinë e universiteteve, profesori tha se sistemi arsimor në të gjithë botën përballet me sfida të reja. Duke u ndalur te zhvillimet e pesë viteve të fundit, ai theksoi se ato kanë ndryshuar konjukturat globale. Sfida me pandeminë e COVID-19; Lufta në Ukrianë dhe Gaza, të cilat e kanë zhvendosur vëmendjen e shteteve nga fushat sociale dhe arsimi te mbrojtja; Deglobalizimi dhe krijimi i një bote më individualiste; Sfidat e reja nga Inteligjenca Artificiale dhe të jetuarit në revolucionin e pestë industrial; Janë disa nga faktorët kyç që e kanë ndryshuar komplet panoramën ndërkombëtare, me ndikim të fuqishëm edhe në fushën e edukimit dhe arsimit.
Në këto kohë rrethanash dhe sfidash të reja, mësimdhënia dhe mësimnxënie, përveçse kërkon intelektualë të emancipuar dhe njerëz të motivuar për të mësuar, përballet edhe me me disa fenomene të reja.
Së fundi, Dr. Solomon Arulraj David analizoi për studentët dhjetë tendencat e reja në edukim, që për shkak të sistemit ndërkombëtar, influencojnë në çdo vend, pavarësisht rajonit apo kontinentit ku ai ndodhet. Përçarja e mësimdhënies dhe mësimxënies dhe standardet e dyfishta; Rivlerësimi i figurës së mësuesit; Diversiteti, përfshirja, barazia për shkak të ndërkombëtarizmit; Mësimdhënia me në qendër nxënësin; Drejtimi nga teknologjia dhe mundësitë e reja në horizont; Nevoja e kurrikulave të reja të njehësuara; Transformimi i klasave dhe auditorëve; Vlerësimi i mbështetur në dëshmi dhe arritje; Shkolla si komunitet i shëndetshëm; Udhëheqja e mësimdhënies dhe mëmësimnxënies, përveçse trendet e reja globale në edukim janë edhe sfidat e reja me të cilat përballet sistemi arsimor.
