Foshnjat e porsalindura që trajtohen me antibiotikë kanë përgjigje më të ulët imunitare ndaj vaksinave, për shkak të ndryshimeve në mikrobiomën e zorrëve, sipas një studimi të ri.
Studimi ka vëzhguar 191 foshnja të shëndetshme që nga lindja dhe ka zbuluar se ato që kishin marrë antibiotikë në javët e para të jetës kishin nivele të dukshme më të ulëta të antitrupave kundër vaksinave të ndryshme, si për shembull, në moshën 7 dhe 15 muajsh.
Nga këto foshnja, 111 ishin ekspozuar ndaj antibiotikëve gjatë periudhës së porsalindjes – qoftë përmes trajtimit direkt, apo edhe përmes nënave të cilat kishin marrë antibiotikë gjatë lindjes ose në gjashtë javët e para pas lindjes, sipas informacionit të publikuar nga Guardian.
Studimi vlerësoi mikrobiomën e foshnjave rreth kohës kur ato morën vaksinat e para të zakonshme, në moshën gjashtë javëshe. U gjet se foshnjat që kishin marrë antibiotikë direkt në lindje kishin një numër më të vogël të baktereve të dobishme të zorrëve, të njohura si "Bifidobacterium".
Zvogëlimi i këtyre baktereve ishte i lidhur me nivele më të ulëta të antitrupave kundër përbërësve të ndryshëm të vaksinës pneumokokale, si dhe ndaj asaj kundër infeksionit “Haemophilus influenzae” tipi b.
Studimi tregon se trajtimi direkt me antibiotikë te foshnjat ka një ndikim të vazhdueshëm në mikrobiomën e zorrëve.
Megjithatë, ekspertët theksojnë se prindërit nuk duhet të shqetësohen për trajtimin me antibiotikë, pasi në disa raste, infeksionet e rënda në periudhën e hershme pas lindjes mund të jenë shumë të rrezikshme për foshnjat./Përgatiti Liberale.al
