Një turist amerikan është arrestuar në Indi, pasi u përpoq të vizitonte ishullin North Sentinel, "shtëpia" e fisit më të izoluar në botë, Sentinelese.
Mykhailo Viktorovych Polyakov, 24 vjeç, dyshohet se udhëtoi ilegalisht në një vend të shenjtë në ishull dhe la pas një kanaçe Coca-Cola si një "ofertë" për fisin, një akt që ndezi zemërimin e autoriteteve lokale dhe organizatave ndërkombëtare.
Polyakov mbërriti në kryeqytetin e Ishujve Andaman dhe Nicobar, Port Blair, më 26 mars, dhe tre ditë më vonë, ai përdori një varkë të improvizuar për të kaluar 25 milje dhe për të arritur në ishullin e ndaluar. Të shtunën në mëngjes, ai mbërriti në brigjet verilindore të ishullit dhe përdori dylbi për të ekzaminuar zonën për shenja jete. Pavarësisht përpjekjeve të tij për të tërhequr vëmendjen e fisit, të cilët jetojnë të izoluar, ai nuk mori asnjë përgjigje.
Ai la pas një kanaçe Coca-Cola dhe ARRë kokosi, si ofertë për fisin
Sipas Daily Mail, pasi kaloi rreth një orë duke u përpjekur të komunikonte me vendasit përmes bilbilave, ai zbarkoi në ishull për rreth pesë minuta, gjatë së cilës ai regjistroi video, mblodhi mostrat dhe la pas një kanaçe Coca-Cola dhe një kokos si ofertë për fisin. Fisi Sentineles, i njohur për armiqësinë e tij ndaj të huajve, në të kaluarën ka vrarë njerëz që i afroheshin ishullit.
Ekspertët paralajmërojnë se vizita e Polyakovit rrezikoi jo vetëm jetën e tij, por edhe ekzistencën e të gjithë fisit. Sentinelezët nuk janë imun ndaj sëmundjeve të zakonshme, si fruthi ose gripi, të cilat mund të shkaktojnë zhdukjen e fisit.
Policia e gjeti atë në plazhin e Kurma Derës pas kthimit të tij, ku e arrestuan dhe i konfiskuan varkën dhe një GoPro që përmbante videon e zbarkimit të tij në ishull. Hetuesit po shqyrtojnë lëvizjet e sakta të turistit dhe synimin e tij për të vizituar zonën, ndërsa po hetojnë edhe personat me të cilët ka rënë në kontakt gjatë qëndrimit në zonë.
Autoritetet kanë ndaluar hyrjen në ishull
Autoritetet indiane kanë ndaluar rreptësisht hyrjen në ishullin North Sentinel për të mbrojtur fisin nga kërcënimet e jashtme. Caroline Pearce, drejtore e Survival International, e dënoi veprimin e Polyakov si "të pamatur dhe budalla", duke vënë në dukje rreziqet me të cilat përballet fisi nga sëmundjet e jashtme.
Polyakov ka mbetur në paraburgim për marrjen në pyetje të mëtejshme, ndërsa për arrestimin e tij janë njoftuar Ambasada Amerikane dhe autoritetet përkatëse. Kjo nuk ishte përpjekja e tij e parë për të vizituar ishullin, pasi kishte provuar sërish në vitin 2024, por u ndalua nga stafi i hotelit.
