Monika Kryemadhi ka publikuar disa pamje teksa stërvitet në palestër. Deputetja e opozitës shfaqet duke bërë boks me instruktorin, ndërsa në sfond dëgjohet muzika e filmit “Rocky Balboa”.
Videon, të cilën e ka publikuar në instagram, Monika Kryemadhi e shoqëron me shkrimin ku bën apel që më 11 maj të votohet për Ilir Metën.
“Me 11 Maj e dini vet ju! Voto Ilir Metaj”, shkruan Monika Kryemadhi.
Kohët e fundit, Kryemadhi pavarësisht divorcit dhe faktit që nuk do të jetë vetë kandidate, ka dalë hapur në mbështetje të ish bashkëshortit të saj për në zgjedhjet e 11 majit, edhe pse ata janë në një proces divorci.
