Tarifat gjithëpërfshirëse të Presidentit të SHBA-ve, Donald Trump mund të ndryshojnë totalisht tregtinë globale dhe mallrat e konsumit, si iPhone.
Produktet e Apple në SHBA mund të bëhen 30-40% më të shtrenjta, pasi prodhimi i Apple është i bazuar në Kinë dhe vende të tjera aziatike që tani jane subjekt i tarifave të larta të Trump.
Sipas Reuters, iPhone 16 i cili fillimisht ishte me çmim 799 Dollarë, tanimë mund të rritet në 1,142 Dollarë. Për iPhone 16 Pro Max, i cili shitet me 1,599 Dollarë, do të ketë një rritje prej 43 % që mund ta çojë çmimin e tij në gati 2,300 Dollarë. Shumica e iPhone-ve prodhohen në Kinë, ku është vendosur një tarifë reciproke prej 54%.
Aksionet e Apple ranë me 9.3% rënia më e madhe e kompanisë në pesë vjet. Vendimi i Trump për të vendosur tarifa në pothuajse të gjithë botën shkaktoi përplasjen më të madhe në tregun e aksioneve amerikane në vite ku kompanitë amerikane humbën pothuajse 3 trilion Dollarë në vlerë në vetëm një orë.
Apple shet mbi 220 milionë iPhone në vit, dhe tregjet e saj më të mëdha janë Shtetet e Bashkuara, Kina dhe Evropa.
