Një 36-vjeçar shqiptar është arrestuar nga policia në Greqi, pasi u denoncua për ngacmim nga një 30-vjeçare greke.
Sipas policisë, rasti ka ndodhur në Hania të Kretës, dy ditë më parë kur punonjësja e marketit po i shërbente shqiptarit, i cili ndodhej aty si klient për të blerë produkte të ndryshme.
Por sipas raportimit të medies greke, shqiptari i është afruar gruas dhe e ka prekur atë kundër dëshirës së saj. Kjo e fundit denoncoi 36-vjeçarin dhe brenda disa orësh është bërë i mundur arrestimi i tij.
Sakaq, 36-vjeçari nuk ishte i pajisur me dokumentin ligjor që lejon qëndrimin e tij në vend, ndaj dhe do të nisë procedura e dëbimit të tij, sipas medias cretalive. Ai ndodhet në paraburgimin e Hanias dhe ndaj tij është ngritur akuza “sulmi seksual”.
