Piktura më lart është realizuar nga artisti Aleksandër Vreko, ku ka portretizuar aktoren ikonë të kinematografisë shqiptare Margarita Xhepa, e cila ndërroi jetë sot në moshën 91-vjeçare. Vetëm një ditë më parë ajo festoi ditëlindjen, duke lënë pas një trashëgimi të paharrueshme.

Ikja e saj është një humbje e madhe jo vetëm për familjen, por edhe për botën e artit e kulturës. 

Margarita Xhepa, ishte një nga Zonjat e Mëdha të teatrit dhe filmit shqiptar që ka skalitur memorien e publikut shqiptar me role brilante që prej fillimit të saj, në vitet '60-të dhe deri më tani.

Aleksandër Vreko, ka portretizuar me pasion dhe mjeshtëri shumë artistë të mëdhenj, figura të shquara të kulturës shqiptare.

Karriera e tij si piktor nga natyralizmi në abstraksion është tipike në veprat e tij, peisazhet e qytetit të Beratit dhe në shume vënde jashtë Shqipërisë, karakterizohen nga një stil simbolist dhe impresionist me një kolorit të ndritshëm e të qëndrueshëm, peisazhet të mahnitëshme me objekte reale nga të gjitha krahinat, momente të natyrës tipike dhe esenciale.

Portretet dhe peizazhet e tij janë në qendër të një serie pikturash mjaft të njohura të tij.

Pikërisht pikturat më të shtrenjta të shitura prej tij në vitin 2003 ishin ato të portreteve, të krijuara prej tij  me një koleksion nga Afrika për mbi 70 portrete. Porosi private portrete, peizazhe, kompozime dhe natyra të qeta mbi 30 punime.