Mark Samson, 23-vjeçari filipinez ka pranuar para policisë se është autor i vrasjes së 22-vjeçares shqiptare, Ilaria Sula, e cila ishte zhdukur që prej një jave. 

Vajza shqiptare, studente në Romë, ishte larguar nga shtëpia ku jetonte me shoqet më 25 mars. Mëngjesin e sotëm, 2 prill, Sula u gjet e vrarë, ndërsa trupi i saj ishte në një valixhe të hedhur në një zonë të pyllëzuar.

Sipas medieve italiane, Samson ka pranuar vrasjen e shqiptares, duke thënë se e ka goditur disa herë me thikë në një apartament në kryeqytet (Romë) dhe më pas ka hequr qafe trupin duke e mbyllur ne një valixhe.

shtëpia e Samson

Ndaj tij rëndon akuza e “vrasjes me dashje” dhe “fshehje e kufomës”. Sipas mediave italiane, nuk dihet ende se kur është vrarë Ilaria. Autopsia do të japë siguri për ditën dhe orën e vdekjes.

I dashuri, pasi  e vrau, u përpoq të mashtronte familjarët dhe miqtë e Ilarias. Ai përdori telefonin e viktimës dhe u dërgoi mesazhe aty. Më pas dyshohet se e hodhi celularin në një pusetë. Pas humbjes së sinjalit, më 25 mars, familjarët e denoncuan të zhdukur. Fatkeqësisht, tetë ditë pas denocimit, u gjet valixhja ku ndodhej trupi i të resë.

E reja studionte për Statistika në Universitetin Sapienza. Përveç familjes së saj, të cilët kishin ngritur alarmin në rrjetet sociale të martën, për ta gjetur atë ishin mobilizuar edhe miq dhe kolegë duke publikuar fotografi të shumta të së resë.