Një gjest bujar raportohet të jetë bërë sot në Vlorë. Kjo pasi një qytetar ka gjetur sot në qytet një portofol me mbishkrimin “Karl Lagerfeld”. Pasi e ka marrë, qytetari e ka dorëzuar në Komisariatin e Policisë së Vlorës. Blutë informojnë se në portofol kishte një shumë parash dhe karta.
"Një portofol i zi me mbishkrimin “Karl Lagerfeld”, që përmban një shumë parash dhe disa karta, është gjetur nga qytetarë në aksi rrugor Transballkanike, mes rrethrrotullimit të Omones dhe atij të Kastratit.
Portofoli është dorëzuar pranë shërbimeve të Policisë.
Nëse e ke humbur, ose njeh dikë që mund ta ketë humbur, ju ftojmë të paraqiteni në ambientet e Komisariatit të Policisë Vlorë për ta tërhequr”, thuhet në njoftimin e policisë.
