Një studim i fundit ka dalë me disa përfundime që sfidojnë plotësisht stereotipet e zakonshme. Njerëzit që shajnë më shpesh dhe preferojnë të funksionojnë gjatë natës mund të kenë nivel më të lartë inteligjence, kreativitet dhe aftësi të zhvilluara verbale, sipas studiuesve.
Kërkimi vë në dukje se përdorimi i fjalëve të forta nuk lidhet domosdoshmërisht me mungesë edukate. Përkundrazi, në shumë raste, është një formë e sinqertë dhe e drejtpërdrejtë për të shprehur emocionet, pa filtra dhe pa shtirje.
Nga ana tjetër, ata që janë aktivë gjatë natës, shpesh shfaqin aktivitet më të lartë mendor, sidomos kur bëhet fjalë për zgjidhje problemesh, mendim kritik dhe krijimtari.
Studiuesit theksojnë se këto prirje nuk duhen parë si rregulla të përgjithshme, por si elementë që shpjegojnë diversitetin e funksionimit të trurit.
“Askush nuk po thotë që të shash apo të rrish zgjuar gjithë natën të bën më të zgjuar, por ka një lidhje intriguese që vlen të merret në konsideratë,” – thuhet në përfundimet e studimit.
