Leverkuseni i ka thënë lamtumirë një tjetër trofeu këtë sezon, Kupës së Gjermanisë, pasi u eliminua nga një skuadër e kategorisë së tretë.
Të besuarit e Xabi Alonsos u surprizuan në transfertë nga Arminia, që i mposhti me rezultatin 2-1.
Të tre golat u shënuan në pjesën e parë, ndërsa, si rrallëherë, “Aspirinat” nuk arritën të reagojnë në pjesën e dytë.
Pas përfundimit të ndeshjes, tifozët shpërthyen ndaj lojtarëve, dhe Granit Xhaka shkoi t’i qetësonte, por nuk pati sukses.
Xhaka u afrua te tifozët për t’u shpjeguar rreth formës së dobët të ekipit, por ka pasur një përplasje mes tij dhe tifozëve, me tensionet që u ngritën dhe mund të kishin kaluar në një përleshje fizike, nëse nuk do të kishin ndërhyrë mbështetësit e tjerë.
Pavarësisht që luajnë në Ligën e Tretë, Arminia Bielefeld ka eliminuar katër skuadra të Bundesligës këtë sezon në Kupën e Gjermanisë: Union Berlin, Freiburg, Werder Bremen dhe Leverkusen.
