Zgjerimi i tyre jashtë vendit jep mësime të rëndësishme për pushtetarët perëndimorë - shkruan "The Economist" në analizën e javës.

"Që nga fundi i luftës së ftohtë, gjigantët e pasur të korporatave të botës kanë qenë edhe fuqia dominuese në tregtinë globale."

"Sot konsumatorët dhe punëtorët në pothuajse çdo vend preken në një farë mënyre nga operacionet botërore të firmave shumëkombëshe nga Amerika, Evropa dhe, në një masë më të vogël, Japonia."

"Këta leviatanë tani janë nën kërcënim, pasi firmat kineze në industri nga makinat tek veshjet po zgjerohen jashtë vendit të tyre me shpejtësi befasuese."

"Një garë e re tregtare ka filluar."

"Fusha e betejës së saj nuk është as Kina, as bota e pasur, por ekonomitë me rritje të shpejtë të pjesës jugore të globit" shkruan The Economist. Pjesa jugore e globit janë vendet e varfra dhe ato në zhvillim, në të gjitha kontinentet përfshirë edhe Shqipërinë.