Gjatë verës dhe në ditët me temperatura të larta, është shumë e rëndësishme të qëndrojmë të hidratuar. Kur jemi në plazh, hamë jashtë ose pimë pije alkoolike gjatë pushimeve, rrezikojmë të dehidratohemi.

Uji është mënyra më e mirë për të qëndruar të hidratuar, por ka edhe ushqime që ndihmojnë shumë në këtë drejtim. Këto ushqime përmbajnë sasi të larta uji dhe janë të pasura me vitamina e minerale të dobishme për trupin.

Ja disa ushqime që ndihmojnë në hidratim:

Kastravecat – Kanë rreth 95% ujë dhe janë të pasura me vitamina B, C, kalium dhe magnez.
Shalqiri – Përmban 92% ujë dhe ka shumë vitamina A, C dhe antioksidantë.
Luleshtrydhet – Janë të pasura me vitaminë C dhe fibra.
Selinoja – Ka vitaminë K, kalium dhe fibra.
Marulja – Ka mbi 90% ujë dhe përmban vitamina A, K dhe acid folik.
Kungulleshkat – Përmbajnë 94% ujë dhe kanë vitaminë C dhe mangan.
Portokajtë – Kanë rreth 86% ujë dhe janë të pasur me vitaminë C.
Kosi – Përveç proteinave dhe probiotikëve, përmban edhe ujë.
Specat – Kanë rreth 92% ujë dhe shumë vitamina A dhe C.
Dometet – Përmbajnë rreth 95% ujë, vitamina A, C dhe antioksidantë si likopeni.
Për një trup të shëndetshëm, është e rëndësishme të pini mjaft ujë dhe të përfshini këto ushqime të freskëta në dietën tuaj, sidomos gjatë verës.