Këshilli i Evropës po vazhdon të ndihmojë shërbimin e burgjeve në Shqipëri për të futur Terapinë e Informuar mbi Traumën (TiT) në Pojska, i vetmi burg për gratë në shkelje të ligjit në Shqipëri.

Pas trajnimit të mëparshëm të avancuar mbi TiT-në, të ofruar për stafin psiko-social të burgut Pojska dhe përfaqësuesit e Drejtorisë së Përgjithshme të Burgjeve, një tjetër trajnim i vazhdueshëm u mbajt më 25-26 qershor 2026 në Tiranë, me mbështetjen e BE-së dhe Këshillit të Evropës. Ai synonte të përmirësonte më tej aftësitë dhe vetëbesimin e psikologëve në ofrimin e terapisë në një mjedis të sigurt dhe të përfitonte nga një vlerësim nga kolegët dhe reagimet e ekspertëve.

Dita e parë e trajnimit u përqendrua në skenarë praktikë të ofrimit të terapisë bazuar në Manualin e Terapisë së Traumës për Stafin e Burgjeve, duke marrë reagime nga kolegët si mbi pikat e forta ashtu edhe mbi pikat e zhvillimit të mëtejshëm. Dita e dytë u përqendrua në teknikat e mundshme të menaxhimit të të burgosurve dhe skenarëve të vështirë, terapinë individuale kundrejt terapisë në grup, dhe planifikimin e përshtatur për pilotimin e programit në burgun e Pojskës, gjatë periudhës korrik-shtator 2025.

Ky aktivitet u zhvillua në kuadër të veprimit mbi " Përmirësimin e mbrojtjes së të Drejtave të Njeriut të të burgosurve në Shqipëri ", në kuadër të programit të përbashkët të Bashkimit Evropian dhe Këshillit të Evropës "Instrumenti Horizontal për Ballkanin Perëndimor dhe Turqinë - Faza III ".