Çaji, një nga pijet më të vjetra dhe më të konsumuara në botë, ka sot ditën e tij ndërkombëtare. Kombet e Bashkuara e shpallën 21 majin si Ditën Ndërkombëtare të Çajit në vitin 2019, me qëllimin për të promovuar prodhimin dhe konsumimin e qëndrueshëm të çajit, si dhe për të theksuar rëndësinë që ka kjo pije në ekonominë e shumë vendeve, veçanërisht në Azi dhe Afrikë.
Dita synon gjithashtu të rrisë ndërgjegjësimin për sfidat që përballen prodhuesit e vegjël, ndikimin e ndryshimeve klimatike në të korrat e çajit dhe nevojën për mbështetje të vazhdueshme në zhvillimin rural.
Nga një ritual i përditshëm te një simbol kulture dhe relaksi, çaji mbetet pjesë e rëndësishme e jetës për miliona njerëz në mbarë botën.
