Flamur Sula, babai i Ilaria Sulës, vajzës 22-vjeçare që u vra nga ish-i saj dhe u hodh në një pyll, ka ndarë dhimbjen e tij për humbjen e vajzës dhe ka shprehur ngushëllime për familjen e Martinës Carbonaro, 14-vjeçares që u vra me gurë nga ish-i saj në Itali.
“Isha shumë i tronditur kur mësova për atë që ndodhi në Napoli,” tha Flamuri. “Ishte sikur të kaloja përsëri gjithë atë dhimbje.”
Ilaria u qëllua me thikë dhe u braktis në një pyll, ndërsa Martina u vra me gurë dhe u mbyll në një dollap. Të dy djemtë që i vranë vajzat, fillimisht u bënë sikur po ndihmonin për t’i gjetur, por më pas pranuan krimin.
Flamur tha se dhimbja e tij nuk largohet: “Sa më shumë kalojnë ditët, aq më shumë më mungon vajza ime. Nuk do të ndalem derisa drejtësia të bëhet për Ilarian.”
Ai i dërgoi një mesazh familjes së Martinës: “E kuptoj shumë mirë dhimbjen tuaj, është një plagë që nuk mbyllet.”
