Një aksident i rëndë ka ndodhur sot në aksin Prrenjas-Qafë Thanë, ku 6 anëtarë të një familjeje kanë mbetur të plagosur, pasi u përplasën nga një mjet që po ecte me shpejtësi. Në mesin e të plagosurve është vajzë 23 vjeçare e famijes, e cila raportohet se ndodhet në gjendje kome.
Burime për Top Channel bëjnë me dije se familja me 6 anëtarë ka ndaluar në ambientet e një lokali, rreth 30 m larg korsisë së rrugës dhe kanë qenë jashtë mjetit të tyre kur një makinë ka humbur kontrollin dhe ka “fluturuar”, duke i përplasur.
Për pasojë 23 vjeçarja që e ka zënë mjeti poshtë është në gjendje kome, vajza tjetër 10 vjeçe ka thyer këmbën e po ashtu fraktura ka pësuar dhe vajza 6 vjecare, të treja motra.
Gjithashtu është plagosur dhe babai dhe gjyshja e tyre.
Sipas policisë së Elbasanit, 44 vjeçari që shkaktoi aksidentin Jetmir Daci, banues në Peshkopi, ka rezultuar i dehur.
