Kryeministri Edi Rama paralajmëroi se nga e hëna e ardhshme do të konfiskohen të gjitha produktet e bulmetit dhe qumështi që shiten pa faturë. Ky vendim vjen për të respektuar ligjin tatimor dhe për të mbrojtur shëndetin e qytetarëve, sidomos në këtë periudhë me temperatura të larta, kur rreziku i helmimeve është i madh.
Në fund të një takimi me kryetarët e bashkive, Rama theksoi se Drejtoria e Përgjithshme e Tatimeve po sensibilizon tregtarët që të tregtojnë vetëm me faturë.
“Duke filluar nga java e ardhshme, nuk do të ketë më paralajmërime, por vetëm konfiskime të çdo lloj bulmeti dhe qumështi që shitet pa faturë,” tha kryeministri.
