Një aksident i rëndë ka ndodhur në një minierë kromi në zonën e Klosit, ku një masiv dheu është shembur, duke zënë poshtë një fadromë së bashku me drejtuesin e saj.
Si pasojë e këtij incidenti, drejtuesi i mjetit ka humbur jetën në vendngjarje.
Sipas raportimeve paraprake, shembja ndodhi gjatë punimeve në minierë, kur një pjesë e masivit u shkëput dhe rrëshqiti mbi mjetin e rëndë.
Ekipet e shpëtimit dhe autoritetet përkatëse kanë mbërritur menjëherë në vendin e ngjarjes për të kryer operacionet e nevojshme dhe për të hetuar shkaqet e aksidentit.
