Pjesëmarrja në zgjedhjet e 14 Majit ishte në minimumet e saj, në vetëm 38% të votuesve.
Mbi 122,500 shtetas shqiptarë kishin mundësi për të votuar për herë të parë, por as 14 % e tyre morën pjesë në votime.
Kryetari i Komisionit Qendror të Zgjedhjeve, Ilirian Celibashi, pas mbarimit të numërimit, ka bërë me dije rezultatet përfundimtare zyrtare në lidhje me pjesëmarrjen në zgjedhjet lokale të 14 majit.
Krye-komisioneri ka bërë me dije se gjithsej kanë votuar 1.395.360 qytetarë, nga 3.650.658 zgjedhës në total, ose e thënë ndryshe pjesëmarrja zyrtare në zgjedhje ishte 38.22 për qind.
Pjesëmarrja më e ulët ishte në Bashkinë Vorë me 24%. Gjithsej votuan 20 mijë persona më pak se në zgjedhjet e vitit 2021. Po ashtu, 40 mijë vota rezultuan të pavlefshme, çka do të thotë se votuesit pavarësisht pjesëmarrjes nuk ishin të bindur nga alternativat e afruar.
Rekordi historik i pjesëmarrjes më të ulët në votime ishte në vitin 2019, kur PD-ja dhe LSI-ja nuk mori pjesë në votime.
Pjesëmarrja në votime në rang vendi gjatë viteve:
Viti 2007 – 46%
Viti 2011 – 51%
Viti 2015 – 48%
Viti 2021 – 47%
Viti 2023 – 38%
