Prokuroria ka vënë nën hetim Marsida Qatjan, e cila akuzohet për përshtatje të ambienteve për përdorim droge. Ndaj saj Prokuroria ka dhënë masën detyrim paraqitje, ndërsa gjykata ende s’ka marrë një çendim.
Po ashtu, sipas BW, Prokuroria i ka kërkuar Marsida Qatjas që të mos flasë më në media. Madje, i është sekuestruar edhe pasaporta, pas mesazhit që ajo publikoi në rrjetet sociale, ku thoshte se i kërkonte që t’i shkonte në Gjermani.
“Nëse mendon se më do, merr pasaportat dhe të pres në takim, po pres dhe letra nga ty, të më shkruash për të gjitha, për dashuri dhe për situatën, të vërteta. Jeta pa ty do ishte e kotë. Unë të dua shumë dashuria ime. Le të gaboj në ndjenjën time, por ti je fryma ime”, thuhet në mesazhin që ka publikuar Marsida në rrjetet sociale.
Kujtojmë që në shtëpinë e Marsida Qatja ndodhi vrasja e Dritan Haxhollit, krim për të cilin po akuzohet polici Bledar Toçi, i cili ndodhet i plagosur në spital./Gazeta Liberale
