Turqia është tronditur nga krimi brutal i kryer nga 25-vjeçari Mersan Koce, i cili vrau në mes të rrugës ish-bashkëshorten dhe babain e saj. Vrasja brutale u regjistrua nga kamera e celularit. Në video shihet se 25-vjeçari ka ndalur makinën e tij para mjetit që drejtohej nga ish-bashkëshortja e tij, Bilge Kaya, si dhe përleshet me babain e saj, i cili po përpiqet të marrë kallashnikovin që po mbante në duar. Gjatë zënkës, mesditën e së premtes, 25-vjeçari shihet në një moment duke qëlluar drejt makinës në të cilën ndodhej ish-bashkëshortja e tij, ndërsa disa sekonda më pas arrin të drejtojë tytën në trupin e ish-babait të saj, i cili bie pa ndjenja në rrugë. Sulmuesi 25-vjeçar më pas shihet duke lëvizur drejt makinës dhe duke qëlluar sërish ish-gruan e tij.

Tüyleri diken diken eden olay Gaziantep'te meydana geldi. Mertcan Köse (25) boşandığı eşi Bilge Kaya (25) ve kayınpederi Ertuğrul Kaya'yı (47), av tüfeğiyle katletti. Katliam anının görüntüleri ise bugün ortaya çıktı. Korkunç anlar kameralara böyle yansıdı. pic.twitter.com/ZfWdEjm3dk

— Derincemiz Gazetesi (@derincemizhaber) June 18, 2023

Sipas mediave turke, vrasja ka ndodhur menjëherë pas nënshkrimit të vendimit të gjykatës që i dha gruas kujdestarinë e fëmijës 4 muajsh që kishte me 25-vjeçarin. Babë e bijë dhanë frymën e fundit në spital ku u dërguan të plagosur rëndë, ndërsa 25-vjeçari u largua nga vendi i vrasjes. Pas një gjuetie nga policia turke, 25-vjeçari u arrestua dhe u akuzua për dy vrasje. Mediat turke po publikojnë foto të vrasësit 25-vjeçar duke pozuar me një armë që mund të ketë qenë ajo që ka përdorur në vrasjen e dyfishtë.