Spektakël golash në Europa League.
Në “Tupras Stadium”, Ernest Muçi dhe Milot Rashica kanë ndihmuar Beshiktash, duke e çuar drejt fitores përballë Atletikos së Bilbaos.
Në një aksion të nisur prej 22-vjeçarit nga Tirana në mesfushë u realizua goli i parë i turqve, shënuar nga sulmuesi i Kosovës.
Muçi vallëzoi me topin duke trullosur mbrojtjen e miqve dhe më pas pasoi te Rafa Silva, dhe ky po aq bukur me finesë asistoi Rashicën që e finalizoi me supergol aksionin.
Ishte goli i parë në Europa League i sulmuesit nga Vushtria, krahas një asistimi.