Vllaznia mposhti Tiranën me rezultatin 2-1, në ndeshjen e vlefshme për javën e 20-të në Superligë.
Në “Loro Boriçi” ishte një takim me dy tablo, ku pjesa e parë foli për kryeqytetasit ndërsa e dyta për vendasit.
Haxhiu zhbllokoi rezultatin në '14, me një supergol, duke i dhënë avantazh Tiranës.
Në pjesën e dytë Bekim Balaj vendosi fatin e këtij takimi. Shkodrani barazoi shifrat në minutën e 51-të, ndërsa në të 85-ën kompletoi dopietën personale dhe përmbysjen për kuqeblutë.
Me këtë fitore, Vllaznia ngjitet në vendin e dytë me 34 pikë, po aq sa edhe Dinamo kryesuese. Tirana në krahun tjetër mban vendin e parafundit me vetëm 18 pikë.
