Ish-ylli i MLS-së dhe sulmuesi i FC Cincinnati, Aaron Boupendza, ka humbur jetën në moshën 28-vjeçare pasi u rrëzua nga një ballkon në Kinë.
Sipas Turkiye Today , Boupendza - i cili luante për klubin kinez të futbollit Zhejiang në kohën e vdekjes - ra nga banesa e tij në katin e 11-të të një apartamenti.
Reprezentuesi i Gabonit, i cili luajti për një mori skuadrash anembanë globit para se të largohej, shënoi gjithsej 96 gola në 218 paraqitje në karrierë.
Ai dëshmoi gjithashtu një figurë të diskutueshme jashtë fushës, me raportet që u shfaqën vitin e kaluar për një dënim të mundshëm me burg në vendin e tij, pasi një kasetë seksuale që dyshohet se e përfshinte atën u shfaq në internet.
Sipas ligjit të Gabonit, i cili ndalon qarkullimin e përmbajtjes pornografike, ai përballej me një gjobë maksimale prej 17,000 dollarë dhe deri në pesë vjet burg nëse shpallej fajtor.
Më vonë doli se Boupendza pretendoi se ishte viktimë e një komploti shantazhi pasi telefoni i tij u vodh në Gabon në nëntor 2023.
Menjëherë pas kësaj, koha e tij me FC Cincinnati mori një fund të papritur në gusht të vitit të kaluar, kur ai humbi disa javë stërvitje, duke e detyruar klubin të ndërpresë kontratën e tij.
Vetëm disa muaj më parë ai gjithashtu nuk ishte në gjendje të stërvitej për disa javë pasi theu nofullën gjatë një sherri jashtë një lokali në qytet.
Më vonë u zbulua se ylli i futbollit u godit me grusht nga boksieri profesionist Quashawn Toler jashtë institucionit të Cincinnati Rusconi Bar & Kitchen, me dëmtimin që e mbajti atë jashtë fushës për gati dy muaj.
Në 35 paraqitje, Boupendza shënoi nëntë gola për FC Cincinnati dhe ndihmoi skuadrën të fitonte njw trofe në 2023.
Skuadra e MLS ka konfirmuar vdekjen e tij teksa i ka bërë homazhe ish-lojtarit të tyre në një deklaratë.
“Jemi të pikëlluar kur dëgjuam për vdekjen tragjike të ish-sulmuesit të FC Cincinnati, Aaron Boupendza sot në shtëpinë e tij në Kinë”, thuhet në deklaratë.
“Zemrat tona janë me familjen, miqtë dhe shokët e tij. Ai ishte një anëtar i dashur i familjes së FC Cincinnati dhe ne ofrojmë ngushëllime për të gjithë ata që e njohën. U prefsh në paqe, Aaron."
