Sport

Fiton derbin ndaj Milan, INTER shpallet për herë të 20-të kampion i Serie A

Shkruar nga Liberale

Fiton derbin ndaj Milan, INTER shpallet për herë të 20-të

Inter i Klodian Asllanit fitoi me rezultat 2-1 në ‘San Siro’ ndaj Milan, në atë që njihet ndryshe si Derby della Madonnina duke siguruar kështu matematikisht titullin e 20-të të Serie A.

Golin e epërsisë për ‘Nerazzurrët’ e shënoi në minutën e 19-të Francesco Acerbi, i cili pas ekzekutimit të rivënies këndore shënoi me kokë  për 1-0 në cepin e djathtë të Mike Maignan.

Milani nuk tregoi shumë në këtë pjesë të parë, përveç një rasti të Rafael Leaos në minutën e 29-të por gjuajtja e tij ishte shumë e lehtë për t’u ndalur nga Yann Sommer.

Interi pati edhe një mundësi të mirë shënimi në minutën e 38-të, por goditja e Marcus Thuram u ndal nga shtylla.

‘Nerazzurrët’ nuk u ndalën së tentuari për të gjetur golin e dytë, dhe iu afruan atij përsëri në minutën e 40-të kësaj radhe me Henrikh Mkhitaryan, por Maignan reagoi siç duhet për t’ia mohuar golin.

Në pjesën e dytë pati më shumë raste dhe të dyja ekipet arritën që deri në fishkëllimën e fundit të gjyqtarit të shënojnë nga një gol.

Fiton derbin ndaj Milan, INTER shpallet për herë të 20-të


Për të dyfishuar epërsinë e ‘Nerazzurrëve’ u përkujdes Marcus Thuram i cili shënoi një gol të bukur për 2-0 në minutën e 49-të.

Krejt çka ‘Rossonerët’ arritën të bëjnë në këtë takim ishte një gol i shënuar me kokë nga Fikayo Tomori për të ngushtuar rezultatin në 2-1.

Deri në përfundim të kampionatit kanë mbetur edhe pesë ndeshje, mirëpo Interi tani do t’i luajë ato vetëm sa për statistika.

Liberale Newsroom

Poll
SHQIPENGLISH