Eliminimi i 'Mannschaft' nga 'La Roja' mbetet i papranuar nga nikoqirët.
Kombëtarja spanjolle mundi Gjermaninë 'in extremis' (2-1) dhe organizatorët e turneut ende nuk po e tretin dot eliminimin nga Euro prej skuadrës së Luis de la Fuente.
Një kërkesë e më shumë se 300 mijë tifozëve gjermanë në faqen change.org për përsëritjen e ndeshjes mes Spanjës dhe Gjermanisë ka shkaktuar shumë emocione dhe debate në rrjetet sociale. Nëse nuk është kjo penallti, cila tjetër mund të jetë?
Kjo kërkesë vjen për shkak të inatit që kanë ende mikpritësit me gjyqtarin anglez Anthony Taylor, për mosdhënien e penalltisë së mundshme nga prekja me dorë e topit prej Marc Cucurella gjatë kohës shtesë.
Debati u ngrit në minutën e 23-të të shtesës, pak para golit të Mikel Merino. Një goditje nga Musiala goditi dorën e Cucurella-s, në një shfaqje të hapur për diskutim mes fansave.
Liberale.al
