Më 10 qershor 1878, përfaqësues nga paria e katër Vilajeteve, u mblodhën në xhaminë Bajraklie të Prizrenit, për të ngritur një platformë si kundërpërgjigje ndaj vendimeve të marra në Traktatin e Shën Stefanit. Lidhja e Prizrenit u themelua në këtë ditë, e nxitur nga rrethanat specifike të vitit 1878, kur shqiptarët mblodhën një Asamble Kombëtare me qëllim bashkimin e Shqipërisë. Qëllimi kryesor i Lidhjes ishte krijimi i një shteti shqiptar që do të përfshinte vilajetet e Prizrenit, Shkodrës, Manastirit dhe Janinës.
Asambleja u drejtua nga Iljaz Pashë Dibra, ndërsa programi politik u hartua nga intelektualë të shquar shqiptarë si Sami Frashëri, Pashko Vasa, Abdyl Frashëri, Jani Vreto dhe të tjerë.Lidhja e Prizrenit ishte organizata e parë mbarëkombëtare që mbrojti fuqishëm pavarësinë, lirinë dhe unitetin e popullit shqiptar, duke shënuar një hap të rëndësishëm në historinë e ndërtimit të shtetit shqiptar.
Përgatiti : Hemelita Boriҫi
