Një shqiptar, identiteti i të cilit nuk është bërë publik, ka rënë në prangat e policisë në Itali. Mediat vendase shkruajnë se shqiptari është arrestuar me akuzën e trafikimit të lëndëve narkotike.
I riu u ndalua teksa ngiste makinën e tij tip Golf në një autostradë dhe pas një kontrolli të imtësishëm nga karabinierët u zbulua se po transportonte drogë.
Shqiptari kishte krijuar në makinë një vend posaçërisht për fshehjen e kokainës, të cilën e kishte ndarë në tre pjesë dhe në fund rezultoi se ishte rreth 3.5 kilogram.
Droga e gjetur, është e një cilësie të lartë dhe nëse do të hidhej në treg vlera e saj do të shkonte rreth 400 mijë Euro.
Policia pas arrestimit shkoi për kontroll dhe në banesën e të riut dhe i gjetën një sasi tjetër rreth 3 kilogram kokainë dhe 71 mijë Euro që mendohet se janë përfituar nga trafiku i drogës.
Tashmë shqiptarit i është komunikuar masa e arrestit dhe është dërguar në burgun e Sienës.
