Disa ditë më parë u publikua një video nga një takim zyrtar mes përfaqësuesve të Bashkimit Evropian dhe autoriteteve vendore shqiptare.
Nga ky takim, kryebashkiaku i Ersekës, Erion Isai, u bë objekt memesh në rrjet për shkak të anglishtes dhe përmendjes së çuditshme të Donald Trump-it gjatë diskutimeve për integrimin, klimën dhe ekonominë.
Në seksionin e komenteve në Instagram, një qytetar i zhgënjyer nga performanca e Isait reagoi me një koment të ashpër.
Sakaq, JOQ ka publikuar denoncimet e qytetarit, i cili thotë se Erion Isai e ka fyer rëndë pse e kritikoi për anglishten e dobët.
Fyerjet e rënda janë të dokumentuara me prova, sipas denoncimit pasi qytetari pretendohet se ka dërguar pamje të mesazheve.
Përveç fyerjeve, pretendohet se Isai e ka ftuar qytetarin edhe në një përballje “tek e tek”, duke e kthyer debatin virtual në një sfidë personale, që më shumë i ngjan një sherri lagjeje sesa sjelljes së një zyrtari lokal.
