Këngëtarja e njohur, Preta Gil, ka ndërruar jetë më 20 korrik, pas një beteje të gjatë dhe të guximshme me kancerin. Lajmi i trishtë është konfirmuar përmes një deklarate në profilin e saj zyrtare në “Instagram”.
Artistja shumëdimensionale, këngëtare, aktore dhe moderatore, po trajtohej në Nju Jork kur u ndje keq rrugës për në aeroport dhe u shtrua me urgjencë në spital, ku ndërroi jetë.
50-vjeçarja ishte vajza e muzikantit legjendar, Gilberto Gil, dhe e njohur për sinqeritetin me të cilin ndau publikisht betejën e saj me sëmundjen.
Preta Gil kishte kryer kimioterapi dhe një ndërhyrje kirurgjikale në gusht të vitit të kaluar, pasi kanceri ishte përhapur në disa pjesë të trupit.
Ceremonia mortore do të mbahet në Rio de Janeiro, ku familjarë, miq dhe fansa do të mund të nderojnë figurën e saj.
