Monitorimi njëvjeçar me kamera-kurth, të cilin Parku Kombëtar i Pyjeve të Bavarisë e kreu në bashkëpunim me Parkun Kombëtar të Prespës në Shqipëri, përfundoi në vjeshtën e 2021.
Faqja zyrtare e Parkut të Bavarisë në Gjermani teksa ka publikuar të dhënat, ka mbetur e surprizuar me atë çka ka gjetur në Prespë.
Qëllimi i projektit ishte regjistrimi i specieve të kafshëve në Parkun Kombëtar të Prespës me ndihmën e 70 kamerave dhe llogaritja e dendësisë së popullsisë.
Në terren, si monitorimi i kamerës, ashtu edhe inventari i rigjenerimit u shoqëruan nga studentë të masterit, të cilët mbikëqyreshin nga Administrata e Parkut Kombëtar të Pyjeve të Bavarisë. Në një seminar në nëntor me punonjës nga të dy parqet kombëtare, u prezantuan rezultatet e para të monitorimit. Speciet më të regjistruara ishin derri i egër, kaprolli, lepuri, dhelpra e kuqe dhe macja e egër. Arinjtë e murrmë dhe ujqërit u panë gjithashtu më shpesh, si dhe disa çakej.
Pas suksesit të madh të projektit, është planifikuar që në vitin 2022 të kryhet monitorimi me të njëjtën metodologji në Parkun Kombëtar të Shebenikut. /Liberale.al/
