Globi

Foto/ U përdhunua dhe u vra me gurë, i jepet lamtumira politikanes

Shkruar nga Liberale
Foto/ U përdhunua dhe u vra me gurë, i jepet lamtumira politikanes

Një numër i madh njerëzish morën pjesë në funeralin e politikanes dhe aktivistes së njohur kurde të të drejtave të njeriut, Hevrin Khalaf.

35-vjeçarja ishte një grua e fortë, aktiviste për mbrojtjen e të drejtave civile, e përkushtuar për mbrojtjen e më të dobtëve. Ajo kishte mësuar anglisht në një moshë shumë të re, ishte bërë inxhiniere dhe qe përkushtuar të ndihmonte gratë.

“Ishte gjithmonë e pranishme në takimet me delegacionet e huaja. Elegante dhe e matur, kishte  marrëdhënie të drejtpërdrejta me diplomatët amerikanë dhe evropianë “, thonë bashkëpunëtorët e saj.

Mediat sociale lokale zbuluan detaje të frikshme rreth vdekjes së politikanes. Hevrin ishte nisur të merrte pjesë në një takim në Hasakah me disa aktivistë nga partia e re, ku ishte sekretare e përgjithshme, “Partia Siriane e Ardhmërisë”.

Mbi makinën e saj u qëllua me mitraloz dhe shoferi me një nga bashkëpunëtorët u vranë menjëherë. Sipas mediave, 35-vjeçarja u tërhoq zvarrë e u përdhunua përpara se të vritej me gurë në mes të rrugës.

Mendohet gjerësisht se autorët e krimit janë forcat paraushtarake pro-turke që veprojnë në rajon./Gazeta Liberale

 

[gallery columns="1" gss="1" size="full" ids="1092956,1092960,1092959,1092958,1092957,1092955,1092954,1092953,1092951,1092950,1092949,1092961"]

 

Liberale Newsroom

Poll
SHQIPENGLISH