Një Gjykatë në Turqi dënoi sot kryetarin opozitar të Stambollit, Ekrem Imamoglu, me një vit e tetë muaj burg për fyerje dhe kërcënim ndaj një zyrtari publik.
Imamoglu, rivali kryesor i presidentit Recep Tayyip Erdogan, ndodhet në burg që nga 23 marsi ndërsa rasti lidhet me komentet e tij ku kritikoi Prokurorin e Përgjithshëm të Stambollit, duke e akuzuar për hetime të motivuara politikisht ndaj figurave opozitare.
Imamoglu e ka mohuar fajësinë, duke e quajtur procesin ndëshkim dhe jo drejtësi ndërsa pritet që edhe vendimin për dënim me burg ta apelojë në një shkallë më të lartë të gjyqësorit.
Arrestimi i Imamoglu në mars u shoqërua me protesta të mëdha në disa qytete turke.
