Është ky modeli demokratik që ndjekin vendet e zhvilluara në Perëndim.

Sanna Marin, kryeministrja finlandeze në largim, pas humbjes në zgjedhje do të japë dorëheqjen edhe si kryetare e partisë socialdemokrate në Finlandë, ndonëse nuk ka mbushur ende të 40-at. Ajo për nga mosha e ka ende karrierën, por mendon se misioni i saj në politikë është mbyllur me kaq, teksa standardet kërkojnë largimin pas humbjes.

Marin njoftoi dorëheqjen në një konferencë për shtyp pas humbjes së saj elektorale në zgjedhjet e 2 prillit. Liderja do ta ratifikojë vendimin e saj në shtator, por do të vazhdojë punën e saj politike si deputete e sapo-zgjedhur në Parlament duke filluar nga java e ardhshme.

Marin shpjegoi se aventura e tij politike në partinë socialdemokrate "ka marrë fund" dhe se ajo nuk do të rikandidojë "për një mandat tjetër si kryetare e Partisë Social-demokrate, në kongresin e ardhshëm" që pritet të zhvillohet në shtator. “Këto kanë qenë vite jashtëzakonisht të vështira dhe kohë të vështira, tani, duke pasur parasysh rezultatin e zgjedhjeve, mendoj se kam mundësinë të vazhdoj jetën time”.

Sanna Marin udhëhoqi qeverinë finlandeze gjatë pandemisë dhe e çoi vendin e saj drejt pranimit historik në NATO, marrëveshje e ratifikuar dje, pavarësisht momenteve të tensioneve me rusët dhe luftës në Ukrainë.

/Liberale.al/