Presidenti turk, Rexhep Tayip Erdogan nisi një "sulm" kundër OKB-së, Perëndimit, SHBA-së dhe Izraelit të shtunën, ku tha se struktura e Kombeve të Bashkuara dhe e Këshillit të Sigurimit të OKB-së duhet të ndryshohet.
Këtë deklaratë Erdogan e bëri gjatë fjalimit të tij në një konferencë për të drejtat e njeriut.
“Fatkeqësisht, më shumë se 70 anëtarë të shtypit vdiqën në Gaza. Nuk kemi më asnjë shpresë apo pritshmëri nga Këshilli i Sigurimit të OKB-së. Këshilli i Sigurimit, detyra e të cilit është të ruajë paqen dhe stabilitetin global, është kthyer në një këshill për të mbrojtur Izraelin që nga 7 tetori.“, tha presidenti turk.
Mes të tjerash Erdogan sulmoi edhe SHBA-në pas vetos ndaj rezolutës së Këshillit të Sigurimit për armëpushim në Gaza.
"Përballë këtij brutaliteti, organizatat ndërkombëtare nuk ndërmarrin asnjë hap konkret për të parandaluar shkeljet. 5 anëtarë të përhershëm dhe jo të përhershëm në Këshillin e Sigurimit të OKB-së. Por fatkeqësisht, armëpushimi u refuzua vetëm me votën refuzuese të SHBA-së. I vetëm. A ka drejtësi si kjo? A ka një botë kaq të drejtë?
Por çfarë të themi. Një botë e drejtë është e mundur, por jo me SHBA. SHBA-të janë në anën e Izraelit me paratë dhe municionet e saj. Hej SHBA, si do ta llogarisni këtë? Për njerëzimin, SHBA-të nuk do të mund të thonë se janë një vend që mbështet Deklaratën e OKB-së për Njerëzimin."-tha presidenti turk.
