Rrallëherë një turmë në një festival letrar ka qenë aq emocionues sa ajo që ka mirëpritur ikonën e “popit” Dua Lipa në skenën Bailie-Gifford në Hay-on-the-Wye, më 3 qershor.
Gjashtë herë fituesja e çmimit Brit dhe tre herë fituesja e çmimit Grammy e ftoi novelistin Douglas Stuart t'i bashkohej asaj për një regjistrim të drejtpërdrejtë të podcast-it të saj, Dua Lipa: Në shërbimin tuaj. Dyshja diskutuan romanin e tij debutues të vlerësuar me çmime, Shuggie Bain, i cili fitoi çmimin Booker në vitin 2020 – e njëjta ceremoni ku Lipa mbajti fjalimin kryesor vitin e kaluar.
“Leximi ka qenë gjithmonë një formë arratisjeje për mua dhe nuk më pëlqen asgjë më shumë se ta ndaj atë përvojë me miqtë,” tha Lipa për Evening Standard. - “Kisha dëgjuar gjëra të mrekullueshme se sa mikpritës ishte komuniteti [Hay] dhe të shihja se sa të pasionuar janë të gjithë ata që janë përfshirë në festival për leximin – nga folësit tek stafi dhe anëtarët e audiencës – ishte kaq frymëzuese.”
Lipa zgjodhi Shuggie Bain të Stuart si librin e saj të parë të muajit për Klubin e Librit të sapohapur në platformën e saj “Service95”. “Fillimi i klubit të librit nuk ishte i pamendur nga unë,” tha ajo në festival të dielën, në bisedë me Gaby Wood, një anëtare e Shoqërisë Mbretërore të Letërsisë dhe drejtoreshë letrare e Fondacionit “Booker Prize”. - "Nëse mund ta ndaj dashurinë time për të lexuar me njerëzit, ndihem sikur jam në rrugën e duhur."
Provokuese me koleksionin e saj për Versace dhe duke parë premierën e filmit Barbie, Lipa nuk është panelistja juaj tipike “Hay”. Por ajo performoi në mënyrë perfekte përballë Stuartit. Shuggie Bain ishte një finaliste në një sërë konkursesh letrare dhe një bestseller në 39 vende, ndërsa “Future Nostalgia” i Dua Lipa u nominua për çmimin “Mercury” dhe aktualisht është albumi i gjashtë më i transmetuar i të gjitha kohërave, në Spotify.
Stuart u rrit nga një nënë beqare në Glasgow post-industrial: ajo vdiq kur ai ishte vetëm gjashtëmbëdhjetë vjeç nga problemet shëndetësore të lidhura me alkoolin. Më pas ai u zhvendos në Nju Jork për të punuar në fushën e modës, pasi studimeve në universitet. Megjithëse edukimi i Lipës në West Hampstead ishte më i rehatshëm, udhëtimi i saj nuk ka qenë saktësisht i thjeshtë.
E rritur nga prindër kosovarë, Lipa, emri i së cilës do të thotë 'dashuri' në shqip, zbuloi se ajo "e kuptoi dualitetin e trashëgimisë së [saj] që në moshë të hershme". Familja e saj u kthye në Kosovë pas shpalljes së pavarësisë në 2008, dhe ajo mbeti në Londër e vetme, kur ishte në klasën e gjashtë, tha para audiencës Hay, duke jetuar me një mik të familjes që studionte në LSE.
Si Stuart ashtu edhe Lipa dinë një ose dy gjëra rreth rritjes më shpejt se ata përreth tyre dhe kanë atmosferën e njerëzve që kanë qenë gjithmonë më të mençur dhe më të pjekur se të tjerët. Në Shuggie Bain, një roman i frymëzuar kryesisht nga fëmijëria e tij, Stuart rishikoi rrethanat që e detyruan atë në moshë të rritur.
“Ishte traumatike,” rrëfeu romancieri para audiencës. “Kam gjetur katarsis vetëm pasi u botua, për shkak të lidhjes që më dha me të huajt që lidheshin me romanin ose njohën njerëz që njihnin në të.”
“Libri nuk do të më linte të hiqja dorë prej tij, sepse ishte kaq integral për mua si person," tha teksa tregoi shenja reflektimi Stuart. Atij iu deshën tetë muaj për të lexuar draftin e parë, 1800 faqe të gjatë, dhe e ktheu atë për një mori redaktimesh. "Nuk fola me të për shtatë javë pas kësaj,” qeshi Stuart.
Shuggie Bain veçohet nga vizioni i tij. - "U rrita nga një nënë beqare dhe i gjithë rrjeti im ishte femëror, kështu që vendosa të shkruaj për të njëjtin lloj peizazhi, por nga një perspektivë femërore,” zbuloi Stuart. Romancieri ishte i kujdesshëm që të mos zbriste në klishe. Ideja e solidaritetit të klasës punëtore, siç pretendohet në Billy Elliot, u diskutua po ashtu. "Ky solidaritet është rezultat i moskonformitetit,” tha ai.
/Liberale.al/
