Policia greke po heton një punëtore shtëpiake 39-vjeçare që akuzohet se ka grabitur një grua të moshuar në qytetin e Aigios. Gruaja për të cilën kujdesej punëtorja është 90 vjeçe.
Sipas familjes së gruas, punëtorja ka tërhequr në mënyrë të paligjshme 30,000 euro nga llogaria bankare e së moshuarës, duke përdorur kodet e kartave të saj.
Punëtorja kujdesej jo vetëm për gruan e moshuar, por edhe për njërin nga djemtë e saj, i cili ka probleme shëndetësore.
Policia thotë se ajo ka kryer këto veprime nga maji i vitit 2024 deri në janar të këtij viti, duke marrë paratë në këste. Ajo tashmë është e identifikuar dhe policia po punon për ta arrestuar.
