Kryeministri i Belgjikës, Bart De Wever bëri thirrje për një forcë më të madhe strategjike në Evropë, duke përmendur dallimet në rritje me SHBA-në mbi mbështetjen për Ukrainën.
Duke folur përpara samitit të Këshillit Evropian në Bruksel, De Wever tha se ndërsa Evropa nuk është e përjashtuar nga diskutimet, ka një divergjencë të qartë në pikëpamje.
“Ne nuk jemi të përjashtuar nga tavolina e bisedimeve, por është e qartë se nuk kemi më të njëjtin këndvështrim për Ukrainën dhe mendoj se Evropa duhet të nxjerrë mësim prej saj, se duhet të bëhet strategjikisht më e fortë”, tha ai.
