Policia austriake ka lëshuar një “alarm terrorist” në stacionin kryesor të trenit të Vjenës. Këtë e kanë raportuar mediat vendase, duke nënvizuar se është dhënë urdhri ‘të largohemi menjëherë nga stacioni hekurudhor’.
Policia e Vjenës njoftoi se stacioni qendror i qytetit aktualisht është duke u evakuuar për shkak të një kërcënimi të paspecifikuar, ndërsa u rekomandon qytetarëve që të shmangin zonën deri në sqarimin e situatës.
Hekurudhat Federale të Austrisë (OBB) deklaruan se trafiku në stacion është pezulluar dhe se asnjë udhëtim nuk do të jetë i disponueshëm deri në një njoftim tjetër.
Asnjë informacion shtesë nuk u zbulua. Aktualisht nuk dihet nëse evakuimi i stacionit është i lidhur me një kërcënim terrorist.
