Rivali kryesor politik i Presidentit Erdogan është pas hekurave. Evropa, pavarësisht se demokracia është e kërcënuar, ka më shumë nevojë se kurrë për ndihmën e Erdoganit”, shkruan The ECONOMIST në një nga analizat kryesore të javës.
Amerika po tërhiqet. Kërcënimi që vjen nga Rusia është në rritje. Ukraina është në mbrojtje. Pavarësisht premtimeve për shpenzime të reja, prodhimi i armëve mbetet shumë i ulët për t’u konsideruar si diçka e sigurt.
Mos kini frikë, evropianë. Rexhep Tajip Erdogan po ju mbështet. “Është bërë e qartë edhe një herë”, tha presidenti i Turqisë dhe shpëtimtari i mundshëm i Evropës më 11 prill, “se siguria evropiane është e paimagjinueshme pa Turqinë”. Z. Erdogan shpesh është i dhënë pas bombastikës dhe e paraqet Turqinë si një fuqi rajonale dinamike, me Evropën si një rajon të dobët, kështu që mund të faleni nëse nuk e besoni linjën e tij të plotë.
Për më tepër, ekonomia e Turqisë është në një krizë të thellë, dhe për një vend që shihet gjerësisht si një gjigant ushtarak, 24 miliardë dollarët (ose 2.1% e PBB-së) që Turqia shpenzoi për mbrojtje vitin e kaluar ishin vetëm një e katërta e shpenzimeve të Gjermanisë.
Megjithatë, njeriu i fortë i Turqisë nuk është shumë larg realitetit. Lidhur me bashkëpunimin në siguri, riarmatim dhe Ukrainën, Evropa ka nevojë për ndihmën e Turqisë më shumë se kurrë.
