Ditën e sotme është zbardhur takimi i cili u mbajt dje mes ministrit për Rindërtim Arben Ahmetaj dhe ambasadores Yuri Kim.
Takimi është zbardhur nga ambasada amerikane e cila pohon në "Facebook", se dy zyrtarët diskutuan rëndësinë e përdorimit me efikasitet të burimeve në ndihmë të atyre që u prekën nga tërmeti tragjik i nëntorit.
"Ambasadorja Kim u takua me Ministrin për Rindërtimin Arben Ahmetaj më 13 shkurt. Ata diskutuan rëndësinë e përdorimit me efikasitet të burimeve në ndihmë të atyre që u prekën nga tërmeti tragiik i nëntorit. Ambasadorja nënvizoi përgjegjësinë e qeverisë për të siguruar transparencë dhe llogaridhënie për fondet e përdorura për rindërtim", shkruhet në faqen e ambasadës së SHBA. /Gazeta Liberale
